دەنگ نێت
شەقامی دوسایدیی بەردەم پرۆژەی نەوژین سیتی ١ لە رزگاریی ماوەی ١٢ ساڵە کارکردن تێیدا راگیراوە، سەرۆکی شارەوانی رزگارییش دەڵێت: بەهۆی نەبونی نەختینەوە لەبانک کارەکانی وەستاوە.
لە ساڵی ٢٠١٢ـەوە بەڵێندەر شەقامی بەردەم نەوژین ستی١ لەرزگاریی وەرگرت بۆ کارکردن تێیدا، بەڵام دوای قیرکردنی کارەکانی وەستا و چیتر کاری تێدا نەکراوە، بەوتەی شارەوانیش بەهۆی نەبونی نەختینەوەیە.
ئەرسەلان ئەحمەد، سەرۆکی شارەوانی ناحیەی رزگاریی، بە رادیۆی دەنگی وت: ئەم پڕۆژەیە لەپێش قەیرانی دارایی گرێبەستیان لەگەڵداکراوە و ئێمە سولفەمان بۆ کردوە، بەڵام بەهۆی قەیرانی داراییەوە و خەرجنەکردنی بودجە، بۆیە لەبانک نەختینە نادرێت بەبەڵێندەر بۆ ئەوەی ئیش و کارەکانی تەواو بکات.